hayagoogle

Get ranking button

هيا قوقل @hayagoogle
Ranking:
# 1
Country:
   

Wrong country?

Change country

(دوران للخلف) امس ابودي بنت اختي لبيتها وفطنت للي يرطن في قوقل ماب🤦🏻‍♀️يقول دوران للخلف .. البلا ان بيت اختي قبالنا .. وذا يقول دوران للخلف .. قلت شكله والله العالم انه ماوده انتس تروحين بيتس يبتس تريوسين ورا😂 .. ولا لين قال الى (الطريق المنحدره) 🙄 نلاقها منك ولا من هالحفريات وتسكيره الشوارع😂

2019-05-18 16:26

44 3

 

(دوران للخلف) امس ابودي بنت اختي لبيتها وفطنت للي يرطن في قوقل ماب🤦🏻‍♀️يقول دوران للخلف .. البلا ان بيت اختي قبالنا .. وذا يقول دوران للخلف .. قلت شكله والله العالم انه ماوده انتس تروحين بيتس يبتس تريوسين ورا😂 .. ولا لين قال الى (الطريق المنحدره) 🙄 نلاقها منك ولا من هالحفريات وتسكيره الشوارع😂

قدامي وحيده الله يسعدها وانا اطلب من الطازج والسرا واصلن لوادي حنيفه من كثره والناس جواعا وبزيراتن يرغون .. وهي تسال الهندي : وش نوع رزكم ابو كاس ولا الامريكي؟ والهندي يقولب برويسه يمين ويسار مايدري وش الهرجه🤦🏻‍♀️ تذكرني بصديقتن لي جعله يسخرلها😂عارفتن عميرتها كل ماجت تاكل تسال وش دجاجكم وش بيضكم 😂
اتفهم اللي يسالون عشان عندهم حساسيه من نوع معين بس اللي يسال عشان يتعنفق هذا دواه انك تجاريه تقول له : انت وش اللي يجوز لك اذا قال رز ابوكاس قل ايه هذا رز ابوكاس.. مع الجوع بياكل لوهو رز ابوقوطي 😎 #لا_للتعنفق

2019-05-15 01:28

47 2

 

قدامي وحيده الله يسعدها وانا اطلب من الطازج والسرا واصلن لوادي حنيفه من كثره والناس جواعا وبزيراتن يرغون .. وهي تسال الهندي : وش نوع رزكم ابو كاس ولا الامريكي؟ والهندي يقولب برويسه يمين ويسار مايدري وش الهرجه🤦🏻‍♀️ تذكرني بصديقتن لي جعله يسخرلها😂عارفتن عميرتها كل ماجت تاكل تسال وش دجاجكم وش بيضكم 😂 اتفهم اللي يسالون عشان عندهم حساسيه من نوع معين بس اللي يسال عشان يتعنفق هذا دواه انك تجاريه تقول له : انت وش اللي يجوز لك اذا قال رز ابوكاس قل ايه هذا رز ابوكاس.. مع الجوع بياكل لوهو رز ابوقوطي 😎 #لا_للتعنفق

المحل اللي اتفقوا جميع امهاتنا وجداتنا على محبته واللي يعاملونه معاملة (محلهم ) يعرفون كل صغيره وتسبيره فيه وش يبيع وش مايبيع وحتى اللي يبيعون حافضين اساميهم😂 بالنسبه لهم اظن اي سجاده تباع عند غير الراشد مهيب سجاده ولاتنفع يصلى عليها استغفرالله😂😂من كثر ثقتهم فيه.. اميمتي متعودتن اي هديه نزاله (السجيجدات والجله عليها) ولو قلنا لها اي محل فاتحن جديد تقول ايه ماشاءالله الله يمهلهم بس الراشد ازين .
.
.
دخلت معها امس للراشد في وشيتزر قالت دوري لي (جلّة بوال ) رحت قعدت ساعتن اقولب في هالجله و انقي النقشات واطلع احسن نقشه واجيبها لها قالت ذا موب بوال صدز الله يخلف على قلبي😩 المشكله اللي طلعته بوال بس موب بوال الثقيل اللي تبيه😂يعني حتى البوال طلع فيه درجات شي زين وشي شين😆قلت كله واحد يمه قالت اللي انتي جايبه خفيف لين لبستيه تصلين يزلق من راستس 😎 المهم انسحبت وهم ماقصروا عرفوا لامي. جابو لها اللي تبيه 😂😎 لكن للامانه سأظل ماحييت اتذكر الفرق بين البوال الخفيف والبوال الثقيل الزين😂
.
.
الخلاصه ياحظ المحلات اللي قدرت تكسب ثقة حريمنا الكبار 👍🏻 ومنهم محلات الراشد مع العلم ان محلات الراشد اظن كسبوا ثقه الكبار وانتقلت المحبه للصغار .. اجيال ورا اجيال وبدون مايسوون اعلانات فيه من يسوق لهم ببلاش 😂

2019-05-14 17:53

66 12

 

المحل اللي اتفقوا جميع امهاتنا وجداتنا على محبته واللي يعاملونه معاملة (محلهم ) يعرفون كل صغيره وتسبيره فيه وش يبيع وش مايبيع وحتى اللي يبيعون حافضين اساميهم😂 بالنسبه لهم اظن اي سجاده تباع عند غير الراشد مهيب سجاده ولاتنفع يصلى عليها استغفرالله😂😂من كثر ثقتهم فيه.. اميمتي متعودتن اي هديه نزاله (السجيجدات والجله عليها) ولو قلنا لها اي محل فاتحن جديد تقول ايه ماشاءالله الله يمهلهم بس الراشد ازين . . . دخلت معها امس للراشد في وشيتزر قالت دوري لي (جلّة بوال ) رحت قعدت ساعتن اقولب في هالجله و انقي النقشات واطلع احسن نقشه واجيبها لها قالت ذا موب بوال صدز الله يخلف على قلبي😩 المشكله اللي طلعته بوال بس موب بوال الثقيل اللي تبيه😂يعني حتى البوال طلع فيه درجات شي زين وشي شين😆قلت كله واحد يمه قالت اللي انتي جايبه خفيف لين لبستيه تصلين يزلق من راستس 😎 المهم انسحبت وهم ماقصروا عرفوا لامي. جابو لها اللي تبيه 😂😎 لكن للامانه سأظل ماحييت اتذكر الفرق بين البوال الخفيف والبوال الثقيل الزين😂 . . الخلاصه ياحظ المحلات اللي قدرت تكسب ثقة حريمنا الكبار 👍🏻 ومنهم محلات الراشد مع العلم ان محلات الراشد اظن كسبوا ثقه الكبار وانتقلت المحبه للصغار .. اجيال ورا اجيال وبدون مايسوون اعلانات فيه من يسوق لهم ببلاش 😂

رحلة #العثيم السنويه مع اميمتي الله يحفظها لي .. من يقرب الشهر الله يشرفه نقبل ونتزفي عند اميمتي بدفاتر التخفيضات لكل السوبرماركتات اللي في الرياض وتاخذها وتفصفصها همن تعطيها الشغالات يغلفون بها الخضار 😂ولين ركبنا السياره قالت للسواق رح للعثيم 😂 لو نطير ونغرد مايجوز لها الا هو😂ولا تصدق الا تخفيضاته ولا تؤمن الا بالفيمتو حقه والباقين كلهم تقليد.. عاد اليوم الاكشن اني غفلت عنها ورحت اجيب لي كم غرض ورجعت لينها تحاتسي العالم تعلمهم عن تخفيض الرز وانواعه والزين والشين والعدس التركي ومكرونة ابوفهد😂
.
.
وانا ياعمري ظاهرتن من هالعثيم ماشريت غير كندر ويوم وصلت بيتنا راح نهاري كله وانا ادور هالكندر ماسوت علي🤦🏻‍♀️🤦🏻‍♀️ .. مير الشهر عليكم مبارك جميع جعله داخلن علينا وعليكم بالصحه والعافيه والقبول من رب العالمين♥️

2019-05-02 14:49

73 11

 

رحلة #العثيم السنويه مع اميمتي الله يحفظها لي .. من يقرب الشهر الله يشرفه نقبل ونتزفي عند اميمتي بدفاتر التخفيضات لكل السوبرماركتات اللي في الرياض وتاخذها وتفصفصها همن تعطيها الشغالات يغلفون بها الخضار 😂ولين ركبنا السياره قالت للسواق رح للعثيم 😂 لو نطير ونغرد مايجوز لها الا هو😂ولا تصدق الا تخفيضاته ولا تؤمن الا بالفيمتو حقه والباقين كلهم تقليد.. عاد اليوم الاكشن اني غفلت عنها ورحت اجيب لي كم غرض ورجعت لينها تحاتسي العالم تعلمهم عن تخفيض الرز وانواعه والزين والشين والعدس التركي ومكرونة ابوفهد😂 . . وانا ياعمري ظاهرتن من هالعثيم ماشريت غير كندر ويوم وصلت بيتنا راح نهاري كله وانا ادور هالكندر ماسوت علي🤦🏻‍♀️🤦🏻‍♀️ .. مير الشهر عليكم مبارك جميع جعله داخلن علينا وعليكم بالصحه والعافيه والقبول من رب العالمين♥️

ضمن الضريبة المضافة للي ياخذون اجازه يستقبلون ويودعون المسافرين😂فقدر الله علي واستقبلت بنت اختي وولد اختي جايين من السفر قبل امس.. وصلت المطار العصر وقال لي ولد اختي انطليني ياخالتي في ملعب جامعه سعود بحضر مباراة للهلال والتعاون (تدلين) طبعاً مستحيل اظهر بمظهر الخاله اللي ماتدل شوارع الرياض او لاسمح الله اللي من تركب السياره وهي تشخر لين تاصل🤦🏻‍♀️ قلت ازهلها مشينا من المطار الساعه حول ٤ وحطيت لوكيشن الملعب وامورنا تمام .. وصلنا قال قوقل ماب : وجهتك على اليمين .. ونطالع الملعب فاضي مابه احد قلت متاكد ان المباراة اليوم قال هو متاكد حاجزين وقاضين 🤦🏻‍♀️ طلعت موديته لملعب جامعة سعود للعلوم الصحية😩😭 جاني سهاد ومر في تسبدي وصداع نصفي 🤦🏻‍♀️من العصر لين اذان المغرب واحنا في الطريق لين وصلنا للملعب واخرتها طلع موب الملعب .. ونمسك خط لين الملعب الصدزي واظلمت الدنيا ٣ ساعات واحنا في الطريق 😩 قلت لبنت اختي اعودتس للمطار ماشاءالله لفيتي على الرياض كلها في يومن واحد🤦🏻‍♀️🤦🏻‍♀️ واخرتها ليتهم فازو😂 هقوتي البلا من الجمهور لو يستخيرون الله ولا يحضرون تسان فاز  #الهلال😂😎والله اعلم😎💙

2019-05-01 23:39

57 7

 

ضمن الضريبة المضافة للي ياخذون اجازه يستقبلون ويودعون المسافرين😂فقدر الله علي واستقبلت بنت اختي وولد اختي جايين من السفر قبل امس.. وصلت المطار العصر وقال لي ولد اختي انطليني ياخالتي في ملعب جامعه سعود بحضر مباراة للهلال والتعاون (تدلين) طبعاً مستحيل اظهر بمظهر الخاله اللي ماتدل شوارع الرياض او لاسمح الله اللي من تركب السياره وهي تشخر لين تاصل🤦🏻‍♀️ قلت ازهلها مشينا من المطار الساعه حول ٤ وحطيت لوكيشن الملعب وامورنا تمام .. وصلنا قال قوقل ماب : وجهتك على اليمين .. ونطالع الملعب فاضي مابه احد قلت متاكد ان المباراة اليوم قال هو متاكد حاجزين وقاضين 🤦🏻‍♀️ طلعت موديته لملعب جامعة سعود للعلوم الصحية😩😭 جاني سهاد ومر في تسبدي وصداع نصفي 🤦🏻‍♀️من العصر لين اذان المغرب واحنا في الطريق لين وصلنا للملعب واخرتها طلع موب الملعب .. ونمسك خط لين الملعب الصدزي واظلمت الدنيا ٣ ساعات واحنا في الطريق 😩 قلت لبنت اختي اعودتس للمطار ماشاءالله لفيتي على الرياض كلها في يومن واحد🤦🏻‍♀️🤦🏻‍♀️ واخرتها ليتهم فازو😂 هقوتي البلا من الجمهور لو يستخيرون الله ولا يحضرون تسان فاز #الهلال😂😎والله اعلم😎💙

كم مره قلتو لاعماركم هذي اخر مره ان شاءلله وباتسر دايت😂 ويجي باتسر ولايجي الدايت وتستمر التسذبه.. والحاصل ان الانديه ملياتن ملي من ذا العصلات مع احترامي 😂والمطاعم ملياتن ملي من التسذوبات امثالي😂 وش الدبره يالربع رمضان مقبلن علينا الله يشرفه ومحلات اللقيمات ناويتن علينا🤦🏻‍♀️هذا غير حسابات الانستقرام اللي كل يوم حلياتن جديده😎من وين ابتدي .. الوضع اني سويت لي جدول قلت بمشي عليه وبقوى عميري .. وانتهيت بقائمه لحسابات حلى وورق عنب لاتنتهي لا وطلبت منهم بعد😂😂 ياعزتي لتس يامهيوي واللي مثلتس

2019-04-27 09:30

45 14

 

كم مره قلتو لاعماركم هذي اخر مره ان شاءلله وباتسر دايت😂 ويجي باتسر ولايجي الدايت وتستمر التسذبه.. والحاصل ان الانديه ملياتن ملي من ذا العصلات مع احترامي 😂والمطاعم ملياتن ملي من التسذوبات امثالي😂 وش الدبره يالربع رمضان مقبلن علينا الله يشرفه ومحلات اللقيمات ناويتن علينا🤦🏻‍♀️هذا غير حسابات الانستقرام اللي كل يوم حلياتن جديده😎من وين ابتدي .. الوضع اني سويت لي جدول قلت بمشي عليه وبقوى عميري .. وانتهيت بقائمه لحسابات حلى وورق عنب لاتنتهي لا وطلبت منهم بعد😂😂 ياعزتي لتس يامهيوي واللي مثلتس

الحمدلله الذي بنعمته تتم الصالحات داخلتن على اميمتي امس فرحتن ابشرها اني خذت اجازه واني بقابلها وجهاً لوجه😂وكذلك الوالد الغالي الله يحفظه: اميمتي قالت زين يابنيتي .. موحيتن ان موية بيرين مخفضين ١٠ بالميه على الكرتون روحي جيبي لنا.. واظهري من جوالي لوكيشن بيت بتوديني له اعزي اوبيهم ميتن جعله بالجنه.. وابوي سلم علي وعطاني حزمة بطاقات الخدامات والسوواويق قال جددي اقامتهم يابنتي دامتس فاضيه😂 العجيب بالموضوع ان اي احد يكلمني يقول دامتس فاضيه سوي هالشي وروحي ودي وجيبي😂😂😂 شكلي ابعود امزع وريقه الاجازه واداوم 😂😂 لكن من اجل عين تكرم مدينه اوبيي واميمتي مالي فضل عليهم اخدمهم باجازه ولا بدون مير امر الله شق القربه😂بنأجز ونكرف

2019-04-23 04:32

62 8

 

الحمدلله الذي بنعمته تتم الصالحات داخلتن على اميمتي امس فرحتن ابشرها اني خذت اجازه واني بقابلها وجهاً لوجه😂وكذلك الوالد الغالي الله يحفظه: اميمتي قالت زين يابنيتي .. موحيتن ان موية بيرين مخفضين ١٠ بالميه على الكرتون روحي جيبي لنا.. واظهري من جوالي لوكيشن بيت بتوديني له اعزي اوبيهم ميتن جعله بالجنه.. وابوي سلم علي وعطاني حزمة بطاقات الخدامات والسوواويق قال جددي اقامتهم يابنتي دامتس فاضيه😂 العجيب بالموضوع ان اي احد يكلمني يقول دامتس فاضيه سوي هالشي وروحي ودي وجيبي😂😂😂 شكلي ابعود امزع وريقه الاجازه واداوم 😂😂 لكن من اجل عين تكرم مدينه اوبيي واميمتي مالي فضل عليهم اخدمهم باجازه ولا بدون مير امر الله شق القربه😂بنأجز ونكرف

الحقيقه انا اواجه عسر قراءه لهالرسمة.. مدري هي فراشتن منتفن ريشها.. ولا حيه مزنوطه .. ولا قطون مدعوس على خطن سريع ولا وردتن منتفه 🤦🏻‍♀️🤦🏻‍♀️ ليتك استخرت قبل تتفنن

2019-03-30 10:44

61 5

 

الحقيقه انا اواجه عسر قراءه لهالرسمة.. مدري هي فراشتن منتفن ريشها.. ولا حيه مزنوطه .. ولا قطون مدعوس على خطن سريع ولا وردتن منتفه 🤦🏻‍♀️🤦🏻‍♀️ ليتك استخرت قبل تتفنن

سالخير عليكم جميع.. فيه شي يقرقع بقلبي ودي اقوله وقاهرن مره محومن تسبدي وودي اعرف شوركم في امثال هالناس الله يصلحنا وياهم ويعافينا وياكم وكل مسلم ولايبتلينا .. ان حصل وصادفكم آدمي تشوفون تركيبته حليو وطويب وحتسين ياسلام وخف طينه وكلشن زين .. فجاءه يقلب ويدلي يتحلطم عليتس ويقولتس شي ماقلتيه لا ويدخل في نيتس ويسيء الظن بتس لدرجه ماتتمنين الا ان ربي يفكتس من هالاشكال 👎🏻 .
.
قبلي ادعي اني ما اغث احد ولا احدن يغثني ولا اصير في تسبد احد ولا احد يمرمر تسبدي لكن خاصه في متسان العمل لو صادفتو مثل هالنوعيه المنافقه اللي فجاءه تتقلب ومرتن حليوه وزينه وحتسين ياسلام .. ومرن تبدا تنطل الحكي مثل السم ومعاد تميزين هو شين ولا زين 🤦🏻‍♀️وش الحل معهم؟🤦🏻‍♀️ .
.
ميررررر لو ماظهرت من هالدنيا الا باهلي ووخياتي وصديقاتي وانتو 🥰لكفاني 😭😩♥️ انتو جبر خاطر جعلي محتر عليكم .. شكرا اسومتي الشايع ♥️ حبكم يالشايع ماخذ له كترن لحاله في قليبي جعلي ماخلا منكم 😎♥️

2019-03-26 15:13

61 18

 

سالخير عليكم جميع.. فيه شي يقرقع بقلبي ودي اقوله وقاهرن مره محومن تسبدي وودي اعرف شوركم في امثال هالناس الله يصلحنا وياهم ويعافينا وياكم وكل مسلم ولايبتلينا .. ان حصل وصادفكم آدمي تشوفون تركيبته حليو وطويب وحتسين ياسلام وخف طينه وكلشن زين .. فجاءه يقلب ويدلي يتحلطم عليتس ويقولتس شي ماقلتيه لا ويدخل في نيتس ويسيء الظن بتس لدرجه ماتتمنين الا ان ربي يفكتس من هالاشكال 👎🏻 . . قبلي ادعي اني ما اغث احد ولا احدن يغثني ولا اصير في تسبد احد ولا احد يمرمر تسبدي لكن خاصه في متسان العمل لو صادفتو مثل هالنوعيه المنافقه اللي فجاءه تتقلب ومرتن حليوه وزينه وحتسين ياسلام .. ومرن تبدا تنطل الحكي مثل السم ومعاد تميزين هو شين ولا زين 🤦🏻‍♀️وش الحل معهم؟🤦🏻‍♀️ . . ميررررر لو ماظهرت من هالدنيا الا باهلي ووخياتي وصديقاتي وانتو 🥰لكفاني 😭😩♥️ انتو جبر خاطر جعلي محتر عليكم .. شكرا اسومتي الشايع ♥️ حبكم يالشايع ماخذ له كترن لحاله في قليبي جعلي ماخلا منكم 😎♥️

الملكة امس بدعت ماخلت ولا بقت لاحد شي .. واختيارات الاغاني تسطل♥️♥️ وبعيد عن #احلام وحفلتا الملكيه وكلشن زين وتنظيم ماشاءالله فوق الاحترافي.. بس تكفون قولوا لذا البني الصغيرات اللي يشتغلون بالتنظيم موب كل من لبس نقاب عجيز😂 من اقبلت قالت تفضلي ياخاله من هنا محلتس🤦🏻‍♀️قلت قولي امين جعل يتخلخل عدوتس وينكد عليه😂تونا مابدينا الحفل جايين نوسع صديراتنا وراتس خليتني خاله 😂 المهم محد غنى مع احلام اغانيها القديمه الا الخاله @ahlamalshamsi ☺️😎 .
.
والشركة المنظمه واللي تصور ابدعوا في كل شي الا هالكاميرات اللي تتخوطف فوق روسنا بغت تهبد علينا جعل الله يصلحهم يوم طاحو فيها كل ماجت حولنا فقدت تركيزي مع احلام مغير اراقبها .. وذا اللي لابسين مهفات يتخوطفون عند احلام بغو يهفون المايسترو كم مره بس ربي ستر 😂والله يوسع صديراتنا وياكم جميع

2019-03-22 08:24

69 15

 

الملكة امس بدعت ماخلت ولا بقت لاحد شي .. واختيارات الاغاني تسطل♥️♥️ وبعيد عن #احلام وحفلتا الملكيه وكلشن زين وتنظيم ماشاءالله فوق الاحترافي.. بس تكفون قولوا لذا البني الصغيرات اللي يشتغلون بالتنظيم موب كل من لبس نقاب عجيز😂 من اقبلت قالت تفضلي ياخاله من هنا محلتس🤦🏻‍♀️قلت قولي امين جعل يتخلخل عدوتس وينكد عليه😂تونا مابدينا الحفل جايين نوسع صديراتنا وراتس خليتني خاله 😂 المهم محد غنى مع احلام اغانيها القديمه الا الخاله @ahlamalshamsi ☺️😎 . . والشركة المنظمه واللي تصور ابدعوا في كل شي الا هالكاميرات اللي تتخوطف فوق روسنا بغت تهبد علينا جعل الله يصلحهم يوم طاحو فيها كل ماجت حولنا فقدت تركيزي مع احلام مغير اراقبها .. وذا اللي لابسين مهفات يتخوطفون عند احلام بغو يهفون المايسترو كم مره بس ربي ستر 😂والله يوسع صديراتنا وياكم جميع

سمعت وحيده الله يستر عليها من هاللي ينقثون شعرهم ويظهرون تسنهم في حوي بيتهم وتحتسي تقول ياخي مافي اكشن بحياتنا نبي فعاليات ..
.
 داريه ودكم اني ملتفتتن عليها ودابجتها لين تواسى بالارض عشان تغدي اكشن صدز .. اللي معها تقول صادقه ودنا بفعاليه شي كذا يغير روتين حياتنا بس شلون ..
.
.
انا متاكده ان ذا الثنتين مايعرفون يحتسون ولا عندهم سالفه بس ولو الواحد يوحي وش يقول 😩اللهم لك الحمد على نعمة الامن والعز والرخاء والله يديمها علينا من نعمه 🤦🏻‍♀️ المشكله اني لين ارتفع ضغطي ماعرفت ارد وغدا كلش يفور فيني لو وجهي تسني مسقطته في غلايه .. موحيتن فديو يقول لين عصبت غمض عييناتك وشد يدياتك وخذلك حول عشر دقايق همن بتنسى الضيقه وبيروح الحمق ... سويت مثل ماقال مادريت الا انا راقده لين اليوم الثاني🤦🏻‍♀️🤦🏻‍♀️ ماش ماتنفع لي قولة غمض عيونك دقايق عشان تسترخي 😂
.
.
لوكم في محلي وش بتردون عليهم؟

2019-03-01 13:02

73 6

 

سمعت وحيده الله يستر عليها من هاللي ينقثون شعرهم ويظهرون تسنهم في حوي بيتهم وتحتسي تقول ياخي مافي اكشن بحياتنا نبي فعاليات .. . داريه ودكم اني ملتفتتن عليها ودابجتها لين تواسى بالارض عشان تغدي اكشن صدز .. اللي معها تقول صادقه ودنا بفعاليه شي كذا يغير روتين حياتنا بس شلون .. . . انا متاكده ان ذا الثنتين مايعرفون يحتسون ولا عندهم سالفه بس ولو الواحد يوحي وش يقول 😩اللهم لك الحمد على نعمة الامن والعز والرخاء والله يديمها علينا من نعمه 🤦🏻‍♀️ المشكله اني لين ارتفع ضغطي ماعرفت ارد وغدا كلش يفور فيني لو وجهي تسني مسقطته في غلايه .. موحيتن فديو يقول لين عصبت غمض عييناتك وشد يدياتك وخذلك حول عشر دقايق همن بتنسى الضيقه وبيروح الحمق ... سويت مثل ماقال مادريت الا انا راقده لين اليوم الثاني🤦🏻‍♀️🤦🏻‍♀️ ماش ماتنفع لي قولة غمض عيونك دقايق عشان تسترخي 😂 . . لوكم في محلي وش بتردون عليهم؟

يازين الكويت ويازين اهلها♥️💚 الله يحفظها ويديم عليها العز والرخاء والامن .. وبهالمناسبه احب اهدي تحياتي للفشنستات الكويتيات وبوتيكات ولايهون دار الطيب واحمد الزامل اللي اسمن بس وانا اشوف فديواته 😩😩 وصاحب مصنع بفك الكويت اهديه اطيب التحايا ♥️ وابويابر اللي واحشنا 😭 وهدى حسين واخيتها اللي اهدونا اجمل مسرحيات الطفوله ♥️وسعاد عبدالله وحياة الفهد وعيال المنصور كلهم♥️ والحب ماما انيسه 😍 وبركات الوقيان لانه كان فارس احلام الكثيرات من فتيات الخليج☺️ ولاتهون نوال الكويتيه احبها من يوم غنت في مسرحية سلاحف النينجا😩 .
.
من قال ان #الكويت و #السعودية واحد ترا ماتسذب ، كل ذكرى لنا واحنا صغار ولين كبرنا مشاركينا فيها ♥️ يازينكم وزين ديرتكم وزين حتسياتكم .. .
.
عيدكم عيدنا وفرحتكم فرحتنا وقلوبنا وحده وعسى الله يديم هالمحبه ♥️💚 .
.
 اذكروا الله .. الف من ذتشره 😜 
 #طف_الليت #منو_ياينا_هالحزه #شدعوه_يبه #شكو #شحقه #عشتاو

2019-02-25 20:03

71 6

 

يازين الكويت ويازين اهلها♥️💚 الله يحفظها ويديم عليها العز والرخاء والامن .. وبهالمناسبه احب اهدي تحياتي للفشنستات الكويتيات وبوتيكات ولايهون دار الطيب واحمد الزامل اللي اسمن بس وانا اشوف فديواته 😩😩 وصاحب مصنع بفك الكويت اهديه اطيب التحايا ♥️ وابويابر اللي واحشنا 😭 وهدى حسين واخيتها اللي اهدونا اجمل مسرحيات الطفوله ♥️وسعاد عبدالله وحياة الفهد وعيال المنصور كلهم♥️ والحب ماما انيسه 😍 وبركات الوقيان لانه كان فارس احلام الكثيرات من فتيات الخليج☺️ ولاتهون نوال الكويتيه احبها من يوم غنت في مسرحية سلاحف النينجا😩 . . من قال ان #الكويت و #السعودية واحد ترا ماتسذب ، كل ذكرى لنا واحنا صغار ولين كبرنا مشاركينا فيها ♥️ يازينكم وزين ديرتكم وزين حتسياتكم .. . . عيدكم عيدنا وفرحتكم فرحتنا وقلوبنا وحده وعسى الله يديم هالمحبه ♥️💚 . . اذكروا الله .. الف من ذتشره 😜 #طف_الليت #منو_ياينا_هالحزه #شدعوه_يبه #شكو #شحقه #عشتاو

ICELAND

Top Instagram followed

#1@canbzkt
https://scontent-bru2-1.cdninstagram.com/vp/ed5e2f039eddcb4450f9cb8011c11f22/5D85ED0C/t51.2885-19/s150x150/61076990_613162049168761_7369542299384020992_n.jpg?_nc_ht=scontent-bru2-1.cdninstagram.com canbzktfollowed by: 4930
#2@0rmir
https://scontent-frt3-2.cdninstagram.com/vp/4aea15b286bfdc9d9a6552c57835dbb9/5DF0490A/t51.2885-19/s150x150/65626508_3151153248243069_4914904447462670336_n.jpg?_nc_ht=scontent-frt3-2.cdninstagram.com 0rmirfollowed by: 4797
#3@peyju
https://scontent-bru2-1.cdninstagram.com/vp/780018ef8f459f3d93075915c7ff3f27/5C18E53C/t51.2885-19/s150x150/26866778_561153774265276_8743891156468760576_n.jpg peyjufollowed by: 4771
#4@satandatattooartist
https://scontent-frt3-2.cdninstagram.com/vp/fb1ec894f967e6f49b53988bdd714cf3/5E12455E/t51.2885-19/s150x150/59642339_458423908248121_2402754445122207744_n.jpg?_nc_ht=scontent-frt3-2.cdninstagram.com satandatattooartistfollowed by: 4675
#5@jungeunbinn
https://scontent-frt3-2.cdninstagram.com/vp/f27fe01f3baf197fb72ed23d0df8e321/5E14C812/t51.2885-19/10413074_1548154852136001_2021367521_a.jpg?_nc_ht=scontent-frt3-2.cdninstagram.com jungeunbinnfollowed by: 4640
#6@iesiru
https://scontent-frt3-2.cdninstagram.com/vp/47c1177cec3dcb579c127f106747eeee/5E14A232/t51.2885-19/s150x150/20347491_420800521653778_8806405466318962688_a.jpg?_nc_ht=scontent-frt3-2.cdninstagram.com iesirufollowed by: 4614

See more instagram profiles from

ICELAND

MORE