تجهيزات العيد Part 2 ✨🎉✨.
.
السلام عليكم اهلين بنات في سلسلة مدوناتي لتجهيزات العيد
هتكون مدونة اليوم عن تنسيقات لبس العيد مع الاكسسوارات
بسم الله نبداء
.
.
دا تنسيقي لأول يوم العيد
الفستان Miss Selfridges
الشنطة Prada
ودا تنسيق ثاني
الفستان Sandro
الشنطة Dior
.
.
ودي كانت مدونة اليوم ان شاء الله تكون عجبتكم وتكونوا استفدتو منها
💋💋
تجهيزات العيد part 1 ✨🎉✨
.
.
السلام عليكم ورحمة الله وبركاته
اهلين بالجميع
كيفكم وكيف رمضان والصيام معاكم
ادري انه مع رمضان الواحد بيكون مشغول مع الصيام والبيت والعمل
انا من الناس اللي احب اخلص شغلي بدري عشان اروق
واحب اروق في رمضان
فاخلص مستلزمات العيد من بدري
وفي رمضان اشتري اللمسات الاخيرة اللي احتاجها
في دي السلسلة رح انزلكم تنسيقات ومستلزمات العيد
ان شاء الله تنبسطوا وتستفيدوا منها
.
.
مدونة اليوم هتكون عن العطورات والاكسسوارات اللي جهزتها للعيد
.
.
اولا : العطور
انا انسانة احب العطور بشكل غير طبيعي
والعطور دائما تحسن لي مزاجي
وفي نفس الوقت نادرة مااشتري نفس العطر مرتين لاني أمل منه
.
اول عطر اشتريته هو عطر Memo Irish Leather
دا العطر عجبني فيه قوته ونعومته في نفس الوقت
واتبعت نصيحة الجميلة @tjaerb_rima
اني عملتله مكس مع شانيل سيكومور
النتيجة طبعا جونااان 😍
.
تاني عطر اشتريته من اخر زيارة ليا لدبي هو عطر لوي ڤيتون
تشكيلتهم الجديدة جميلة واحترت اختار بينهم
وفي النهاية استقريت على دا الجميل
.
ثالث عطر من دولتشي اند غابانا الحصري
العطر فخم ورايق وجميل
اختصار الكلام : ادمااان
.
رابع عطر هو Figment من أمواج
ريحته غريبة وجميلة في نفس الوقت ومع انه رجالي بس عجبني مرة
العطر جديد واصدره في رمضان وعلى كلام البائع انا كنت ثاني زبونة اشتريه 😅
.
واخيرا وليس أخيرا
من اجمل عطور امواج النسائية Amouage Gold
ريحته مسك مع باودر
باااارد وجميل
من اكثر العطور اللي اعشقها في امواج ودائما اشتري منه لما يخلص
دي رابع قارورة اشتريها ومستحيل أمل منه 💖✨
.
.
وبس دا كان اول بوست لتجهيزات العيد ان شاء الله يكون عجبكم
ونراكم على خير
XOXO 😘
D.I.Y Marbel Tray .
.
السلام عليكم ورحمه الله وبركاته
اهلين بالجميع ان شاء الله تكونوا بخير
مبارك عليكم الشهر الكريم وكل عام وانتم بخير
مدونة اليوم هتكون عن D.I.Y ( اصنعيها بنفسك )
✨ صينية الماربل ✨ ✨ Marble Tray✨
.
.
الحقيقة قصتها تضحك شويتين 😅
طلبت كڤر للماك بوك حقي من امازون وما طلع نفس المقاس
فقررت استفيد منه واعملها صينية جميلة
دي الادوات اللي هتحتاجيها
غراء مسدس
كڤر ماك بوك اتورطي فيه 😂 او اي صينية قديمة
تجليد ماربل برضوا اشتريته من امازون
هاندلز ذهبية اشتريت مجموعة منها من امازون
مقص / مشرط
.
.
ودي النتيجة النهائية
ان شاء الله تكون مدونة اليوم عجبتكم وافادتكم
.
.
xoxo
✨ My New MORPHY Brushes Review ✨
السلام عليكم ورحمة الله وبركاته
اشتقت للتدوين من زمان مانزلت مدونة جديدة
.
.
مدونة اليوم ان شاء الله هتكون ريڤيو عن فرش مورفي الذهبية
طبعا انا اي شي ذهبي اطيح عنده
فرش مورفي هي واحدة من العلامات التجميلية التجارية واللي توفر فرش مكياج راقية بسعر معقول
لما قررت اشتري مجموعة فرش جديدة من مورفي لفتت انتباهي المجموعة الذهبية الاحترافية
Murphy Gilded Set Brushes واشتريتها بدون اي تردد 😅
دي شكلها في الموقع وسعرها
نرجع لموضوعنا
المجموعة تجي فيها 23 فرشة تغطي كل شي من الفاونديشن الى اللمسة الاخيرة
مثالية لميك اب مثالي 👌🏻✨
.
.
المجموعة تجي فيها
فرش الفاونديشن / الباودر
✨Y1 Precision Pointed Powder
✨Y2 Tapered Powder
✨Y3 Pro Pointed Powder
✨Y4 Deluxe Angle Brush
✨Y5 Pro Tapered Blush
✨Y6 Pro Flat Buffer
✨Y7 Round Buffer
✨Y8 Mini Tapered
فرش الكونتور / هايلايت / بلشر
✨Y9 Detail Contour
✨Y10 Mini Detail Contour
✨Y11 Deluxe Pointed Contour
✨Y12 Pro Flat Contour
✨Y13 Pro Highlight Fan
✨Y14 Pro Detail Highlight
فرش مكياج العينين
✨Y15 Deluxe Round Blender
✨Y16 Deluxe Fluff
✨Y17 Deluxe Detail Crease
✨Y18 Tapered Blending Fluff
✨Y19 Pointed Blender
✨Y20 Pro Round Crease
✨Y21 Flat Definer
✨Y22 Detail Bullet Crease
✨Y23 Pro Angle Liner
وهنا فيديو عن فرش مورفي هنا
ودي كانت مدونة اليوم اشوفكم على خير ✨
XOXO 😘 💋
My Favorite ( Jan 💖Feb 💖Mar )
السلام عليكم ورحمة الله وبركاته
اهلين بنات كيفكم
.
.
مدونة اليوم ان شاء الله هتكون عن مفضلاتي في الفترة الاخيرة
اولا
كريم اساس غوتشي
طبعا مرة كنت متحمسة اني اجربه لاني مرة احب ماركة غوتشي والحمد لله لقيتها في رحلتي لدبي في السوق الحرة
التغليف جدا مرتب والعبلة كان تصميمها جدا راقي وجميل
الفونديشن قوامه سائل خفيف ع البشرة ويجي ب ١٨ درجة انا اخترت افتح درجة ومرة ناسبني
فيه حماية من الشمس بنسبه ٢٥٪
التغطية خفيفة وطبيعية
.
.
ثانيا
شمعة جو مالون
شخصيا اول مرة اشتري شمعة ثانية من جو مالون غير Peony & Blush Suene
كانت جدا جميلة ورائحة العود ماهي قوية
تعطي احساس بالترف والفخامة والاسترخاء
.
.
ثالثا
سيروم العناية الليلي وكريم الافوكادر من كيلز
كلهم غنيين عن التعريف
السيروم خاص بالاستخدام الليلي قبل النوم يعزز عملية تجديد الخلايا ويرجع التوازن في البشرة واحلا شي فيه انه برائحة اللافندر
كريم الافوكادو للعين
الكريم مخصص لترطيب المنطقة حول العين ومايشدها .. يناسب البشرات الجافة اللي تتقشر خصوصا قبل الميك اب
.
.
رابعا
ارواج ماك
الدرجة Rebel و Media هما تقريبا اكتر درجتين استخدمتهم دي الفترة
ماك لوس باودر
اللمسة النهائية في المكياج تقلل من ظهور المسام والخطوط وتعطي اشراقة للعين
.
.
جل لاينر من انجلوت
من اجمل اقوى اللاينرز اللي جربتهم وماهتكون اخر مرة
.
.
بلشر/ هايلايت من نارس
اسم الدرجة Super Orgasm وردي جميل بلمسة ذهبية
استخدمة كهايلايت/بلشر
.
.
اخر شي اعتمدت على لون مانكير داكن وغالبا درجات الموف الغامق او العودي زي مانكير ديور 970
بس اللون الجديد اللي اعتمدته هو مانكير غوتشي درجته تركواز غامق فخم وراقي جدا
درجة اللون Bold High-Gloss Lacquer
P. S النظارة من فندي
ودي كانت مدونة اليوم ان شاء الله تكونوا انبسطوا فيها
xoxo
السلام عليكم ورحمة الله وبركاته
اهلين بالجميع كيفكم ان شاء الله تكونوا بخير
مدونة اليوم هتكون عن اعمال يدوية بسيطة بس هتفرق معاكي في ديكور البيت
ودي الادوات المطلوبة
انا اخترت Dream اشتريتها من لندن بس تلاقي ري الاشياء في كل مكان
بخاخ ذهبي
غليتر ذهبي
ورق مقوئ اللون اللي تحبيه ( انا اخترت الذهبي )
غرا مسدس او عادي
مقص او مشرط
نبداء بالغليتري دريم
حاولي تصبغيها في مكان برا البيت عشان لا يتوسخ بس انا مايمديني فحطيتها في بوكس
اول ما تخلصي صبغه رشي الغليتر عشان يمسك مع الصبغة واتركيها تجف
💎
دحين نجي للغولدين دايموند
اول شي تطبعي الرسمة اللي تستخدميها
من هنا ⬇︎
بعد ما تطبعيها تقصيها
تثني الخطوط المتقطعه وتلصقي الزوائد بالغرا
ودي النتيجة النهائية ⬇︎
ان شاء الله تكونوا اسمتعتوا بمدونة ليوم
✨Glitter is My Favorite Color✨
XOXO 💋
السلام عليكم ورحمة الله وبركاته
ان شاء الله حبيتوا الفيديو .. حاولت أني أخذ مقتطفات بالسفر من كل شي و أشارككم هيا
لو استفدتي من الفيديو لا تنسوا تشاركوا أحبابك
تابعوني ع السوشال ميديا
Instgram : Chic Rory
Twitter : @ChicRory
Snapchat : Chic_rory89
💋
XOXO
السلام عليكم ورحمة الله وبركاته
اهلين بنات كيفكم .. ان شاء الله تكونوا بخير ومبسوطين
رحت دبي في الويك اند كنوع من تغير الجو و الحمد لله انبسطت كتير عشان اهلي كانوا موجودين
علئ كل حال
حبيت اشارككم مشترياتي من دبي
ان شاء الله تنبسطوا بمدونة اليوم
دي تقريبا كل شي وهأوريكم هيا بالتفصيل
اول شي ( الحب ) كايت سبيد
اشتريت من عندها سكارف وشوزين الاول اشتريته عشان انا اعشق البولكا دوت في كل شي
الشوز التاني عجبني لانه تصميمه تقريبا نفس تصميم غوتشي بسعر ارخص
تاني شي غوتشي
غوتشي الماركة المفضلة عندي بعد شانيل
اشتريت من عندهم حزام احمر جميل
وفي السوق الحره في دبي اشتريت المناكير الاحمر نفس لون الحزام واللون تاني مرة عجبني
مع انه مرة ماهو من طبعي بس حبيت اغير عن درجات الوردي والاحمر
بعد كدا نجي للوي فيتون
الصراحة انا شخصيا مااحب كتير لوي فيتون مع انه كتير عندهم شغلات تجنن
بس رحت للوي عشان الحاجتين دي بالذات
الكفر حق الجوال وعطور لوي فيتون الجديدة
وبالنسبة للعطور فلوي فيتون ( بعد ٧٠ عام ) تصدر مجموعة رائعة من العطور
شخصيا اشتريت عطر Dans La Peau
الذي يعتمد على مزيج حصري من الجلد الطبيعي ورائحة المشمش المحلى بالإضافة إلى خلاصة ياسمين غراس، وزهرة الفل الصيني، وزهرة النرجس.
شي تاني عجبني انك اذا خلص العطى تروحي البوتيك ويعملولك ريفيل لنفس للعطر بقيمة ٦٠٠ ريال تقريبا
اخر شي هي شموع ديبيتك
شخصيا اول مرة اجربها بس سمعت عنها من بلوقرز كتيرين واتحمست اجربها
دي اللي عجبتني منهم واشتريتها من بلومينغديلز
ودا كل كل شي ان شاء الله تكونوا استمعتوا بمدونة اليوم
XOXO
السلام عليكم ورحمة الله وبركاته
أهلين بنات كيفكم ان شاء الله تكونوا مبسوطين
الْيَوْمَ موضوعي هيكون عن. اساسيات ومستلزمات السفر بما ان عندي سفرة قريبة ان شاء الله فحبيت أشارككم بعض النصائح اللي مرة تفيد في السفر
بِسْم الله نبداء
اول شي تحددي الملابس اللي تحتاجيها اعتمادا على طول الفترة اللي تقضيها وجو البلد اللي هتروحيله
بعد امر تختاري الملابس تنسيقيها مع اكسسواراتها ومكملاتها عشان لا تنشي شي
تاني حاجة بالنسبة للميك اب والعناية بالبشرة حاولي تستخدمي العينات اللي تجيكي من محلات الميك اب والعطور لانها ما تاخدلك مساحة وهتستفيدي منها
شي تاني ممكن تجيبي العلب الفاضيه وتعبيها من المنتجات اللي تستخدمها ، دي العلب هتلاقيها في وجوه وفي اتش اند أم
اذا كانت رحلتك طويلة وفيها مشي كتير انصحك تاخذي معاك شنطة ظهر ، هتريحك وتشيل أشياء كتيرة
طبعا لا تنسي تاخذي شوز مريح للمشي وشوز للسهرة
غير كدا لا تنسي (المسليات ) 🤣
خدي لأب توب أو إيباد مع الشاحن والسماعات وكتاب تحبيه وغطاء للعين حق النوم وشوية شوكولاتة ما تضر 😋🍫
وبس سلامتكم ان شاء الله تكونوا استفدتوا من موضوع الْيَوْمَ 💋
ملاحظة : عندي جملة دائماً أحب اتبعها في السفر I Travel With Style or I Don’t Travel at all
bye
![[D.I.Y] Marble Tray](https://chicrory.wordpress.com/wp-content/uploads/2017/05/img_6398.png?w=1200)
![[D.I.Y] Glittery Golden Decoration ✨💎](https://chicrory.wordpress.com/wp-content/uploads/2017/03/fullsizerender-3.jpg?w=1200)
CHIC RORY 