كتار هنن الأشخاص اللي بمروا بحياتنا مرور الكرام بدون أي أثر وفِي منن بيترك اثر كتير عظيم بنفسنا لأنو هنن مو بس مجرد عابري سبيل بمشوار حياتنا إنما بشاركونا أحزاننا قبل أفراحنا ومنلاقيهن جنبنا وقت الشدة وهنن أول المهنئين في وقت فرحنا بيفهمونا بينصحونا بيقلقوا لما نغيب مافي بيننا وبينن مصالح بحبونا في الله ولله وتعلمنا منن مواقف كتيرة!
جيتك على الأردن يابدر أكدتلي صدق أخوتنا ومحبتك وشو يعني الواحد يعمل شي لغيرو كأنو عم يعملو الو...
منولد بهالحياة والنا اخوة ما اخترناهم إنما مشيئة الله سخرتلنا كل شي لحتى يصيروا بطريقنا ببساطة يابدر أنت هدية ربانية وبالفعل ربّ أخ لك لم تلده أمك.
تركت كل شي التزامات، واجبات، بالمختصر كل حياتك لحتى تكون جنبي بهاللحظة المهمة كتير بحياتي ويمكن قد ماتشكرتك قليل قلتلك ياها انو خليتني عاجز عن التعبير وقت شفتك واقف قدامي بالأردن بس قلتلي هاد واجب الأخوة اللي جمعتنا.
وأخيراً يابدر أفندي
- سلام على الدنيا إن لم يكن بها صديق صدوق صادق الوعد منصف-
من كل قلبي بحبك ♥️
#شفنا_اول_اعجوبة_مع_بعض #عقبال_الستة_الباقيين #أخ #اكتشف_الأردن #visitjo #visitjordan #friendshipgoals #happy #proudtobeyourfriend
2019-09-08 11:15
78131 542
#repost @aboudeassmar ♥️♥️♥️
كتير كانو عم يسألونا نحنا وبالاردن كيف بلشتو مع بعض، كيف صرت تكتبلو ل عمرو؟ وكان جوابي انو صدفة..
صدفة بلشت من سنتين... مع نص صغير
وشغف كبير
صدفة.. نتج عنها فيديوهات كتير وقصص كتير
مش دايما كان الوقت معنا ولا الامور سهلة.
كتير ايام كنت اسرق الوقت تاكتب، عالطريق ، انا وعم سوق، بحيالله لحظة فراغ.. ويا ما عمرو كان يصور بالمطارات
بمحطات القطار او بين حصص الجامعة
كتير ايام كنا نكتب ونصور وننشر بنفس الوقت.. لانو مافي وقت.
وكبرت الصدفة... وصار الواتس اب اللي كان يجمعنا تنتبادل افكار.. يجمعنا تنحكي اشيا كتيرر.. اشيا اعمق من مجرد كاتب وممثل
صرنا كتير قراب.. مع انو بالمسافة بعاد.. كتير بعاد.
كملت الصدفة تتكون عقد الحلم... وافقنا نقدم اول عرض ستاند اب كوميدي.. فكرنا،. توترنا ، كتبنا وشطبنا وعدلنا،. خفنا.. تشجعنا... وبعد سنتين اجتمعنا... اجتمعنا متل كأنو ولايوم من قبل افترقنا.
يمكن بالاول ما استوعبنا شو عم يصير، تمارين مسرح،. وتدريبات واعادات وصوت واضائة واشيا كتير.. ومع انو كنا جاهزين.. بس يمكن اكتر بفترة بحياتنا كنا فيا متوترين.
06_09_2019
اليوم المنتظر.. من ورا برداية المسرح بلشو العالم يفوتو،. الكراسي عم تتمتلا ، العرض سولد اوت، زادو كراسي، الناس عبت المسرح، الكل ناطر يبلش العرض، ونحنا ناطرين الحلم يصير
حقيقة
وما بدي انسى اشخاص كانو حدنا، ما تركونا لحظة خافو علينا ومتلنا واكتر، توترو وفرحولنا وفرحو معنا ( راجعلكن ببوست منفصل)
الساعة 6:13 دقيقة بلش العرض، حاولنا نمثل انو مش متوترين يمكن ما زبطط كتير... بس عالاكيد انو بعد ربع ساعة نسينا كلشي، وماعاد عم نسمع غير صوات الضحك،. الصريخ،. العالم المبسوطة والفرحانة من قلبها.
محبة الناس اللي كنا نقراها من ورا الموبايل،. شفناها بعيوننا ،.وحسيناها بقلوبنا
الحمدالله.. نجح العرض،. باصرار وقوة قلب عمرو اللي تحدى كتير قصص تيوصل لهاللحظة ، اللي توتر وخاف وبكي عالسكت ولما اشتغل الضو.. ابدع وضحّك الكل.
يمكن اللي كتبتو طويل،. بس اذا برجع بقرا عنجديد، بكل ضمير مرتاح فيي قول،. انو اجتماعنا ونجاحنا ما كان ابدا... بالصدفة.
2019-09-07 14:48
118949 638
🧡وادي موجب
كان عندي فضول أعرف ليش هيك اسمو لبين ماسألت شخص أردني وخبرني سبب التسمية
موجب مشتق من "وجب" معناها
"سقط محدثاً ضجة" يعني مياهه بتنحدر
لأنو فرق الارتفاع بين بدايته و نهايته تقريباً
١٣٠٠ متر😱
من الأماكن اللي سحرتني بالأردن يعني عنجد كل المغامرات اللي عملتها بالأردن بكفة ومغامرة هالوادي بكفة تانية!
Wadi Mujib is a river canyon in Jordan which enters the Dead Sea 420 meters below sea level.
A must visit in Jordan!
#jordan #visitjordan #discoverjordan #الأردن #اكتشف_الأردن #وادي_موجب #wadimujib
احم احم | أرشيف الصور القديمة
- الصورة الاولى: كان عمري ١٦ ومبسوط مع رجل التلج
- الصورة الثانية: اول ما اكتشفت اختراع السيلفي وتجرأت صور حالي بكاميرا ايباد
- الصورة الثالثة: عم حسس المشاهد انو انا بردان وكان عمري ١٦
- الصورة الرابعة: انا ماكنت باكل اكل برا البيت وهي اول ما جربت برغر كينغ اول مرة بحياتي بعتقد من الصورة واضح تركت وجبتي ونطيت على وجبة اخي
- الصورة الخامسة: لا تعليق غيرو 🌚
- الصورة السادسة: كمان لا تعليق على وضعية رجلي 🌚
#ايام_الخوالي #مين_هاد #اتس_مي #مابعرف_حالي #متغير_علي_لانك_متغير_علي #متت #pubertyhits #اتس_اوك #ارشيف_الصور #فضايح_حصرية