ADD NOW InstaWidget on your blog >
Search
Instagram on your blog
kun.uz by @kun.uz 19860 days ago via Instagram

More from @kun.uz

«Унинг аҳволи жуда оғир» — Ҳабиб Нурмагомедов коронавирус юқтирган отаси ҳақида гапирдиАралаш жанг санъати бўйича жаҳон чемпиони, доғистонлик Ҳабиб Нурмагомедов саломатлиги оғир аҳволда қолаётган отасининг ҳолати ҳақида гапирган.Ҳабибнинг отаси Абдуманноб Нурмагомедов коронавирус инфекциясини юқтириб олган экан. Спортчининг сўзларига кўра, COVID-19 касаллиги юракка асорат берган (Ҳабибнинг отаси бир йил муқаддам юрагида жарроҳлик амалиёти ўтказган эди). «Бизнинг Доғистонимизда аҳвол жуда оғир, қайғули. Касалхоналар тўлган. Кўплаб инсонлар вирусдан касалланган, кўплари ўлган. Ҳозир биз ҳар доимгидан ҳам кўпроқ бирлашишимиз керак.Отам айни дамда шифохонада. Унинг аҳволи оғир. Вирус инфекцияси фонида унинг юрагига оғирлик тушган, бир йил муқаддам отамнинг юргани операция қилинган эди. Ҳозир у янгидан операцияни бошидан кечирди. Айни дамда аҳволи жуда оғир. Аллоҳдан уни бизга қайтариб беришини сўраймиз.Менга ёзаётган, қўллаб-қувватлаётган, Аллоҳдан отамнинг саломатлигини сўраётган барчага ташаккур. Аллоҳ барчамизга мададкор бўлсин. Барчамизни Аллоҳ ўз ҳифзу-ҳимоясида асрасин. Яна бир бор барчаларингизни муқаддас байрамимиз, келаётган ҳайит билан табриклайман.Врачларнинг кўрсатмаларига амал қилинг. Ислом оламидаги нуфузли одамларнинг айни шароитда ибодатларни уйда бажариш ҳақидаги кўрсатмаларига итоат этинг. Байрамни ҳам ўз уйингизда ўтказинг.Келинглар, биродарлар, бутун тарихдан машҳур бўлиб келган ўз жасоратимиз, характеримиз, сабримиз, интизомимизни намойиш этайлик». Россиянинг Доғистон Республикасида коронавирус инфекцияси тарқалиши билан боғлиқ ҳолат мураккаблигича қолмоқда. Республикада расман 3460 киши вирус юқтирган. 1807 киши тузалган. Доғистонда шифокорлар орасида коронавирус юқтириб вафот этиш ҳолати 40 кишини ташкил этмоқда. Бироқ расмий статистика жами ўлимлар сони 29 тани ташкил этаётганини қайд этмоқда.Россия президенти ҳам Доғистонда коронавирусдан ўлим ҳолатлари юқори эканлигини қайд этган. Бунга сабаб сифатида Путин врачларга кеч мурожаат қилиш ва ўзини ўзи даволашга ҳаракат қилишни келтирган. #Kun_oyati У қуёшни зиё ва ойни нур қилган ҳамда сизлар йилларнинг ададини ва ҳисобини билишингиз учун унинг манзилларини ўлчовли қилган Зотдир. Аллоҳ ўшани фақат ҳақ ила яратди. У биладиган қавмлар учун оятларини батафсил баён қиладир. Албатта, кеча ва кундузнинг алмашиб туришида ва Аллоҳ осмонлару ерда яратган нарсаларда тақво қиладиган қавмлар учун оят-белгилар бордир.Аллоҳ қуёшни иссиқ нур таратувчи қилиб қўйди ва аксинча ойни иссиқлиги бўлмаган нур таратувчи қилиб қўйди. Бу иккиси одамларга кун ва ой вақтларини ўлчашлик учун бериб қўйилди. Яъни Аллоҳ таоло мазкур фазо жисмларини ҳақ ила, яъни аниқ мақсадлар учун яратиб қўйди. Шунча мавжудотлар (еру-осмон, қуёш, ой ва ҳакозо) маълум бир мақсад билан, одамлар фойдаси учун яратилган бўлса, демак, шубҳасиз одам ҳам қисқа ҳаёти давомида аниқ бир мақсад билан яратилгандир. Аллоҳ таоло Ўзига яқинлашмоқчи бўлган бандаларига оятларини очиқ ва тушунарли баён қилади. Одамларда ўрганиш истаги бўлса кифоя. Кеча ва кундузнинг алмашиб туришига ва осмонлару ердаги барча яратилган нарсаларга кўз ташлар эканмиз, уларда Аллоҳнинг чексиз қудрати ва ҳикматига гувоҳ бўламиз.Россия Федерациясининг Қозоғистон билан чегараси яқинида бўлиб турган мингдан ортиқ Ўзбекистон фуқаросини ватанга олиб келиш учун 18-19 май кунлари автобуслар ташкил этилади.Президент Шавкат Мирзиёев топшириғи билан, Ташқи ишлар вазирлиги Россия ва Қозоғистоннинг ваколатли органлари билан мазкур масалани ўрганиб чиқиб, келишувга эришган. «Мамлакатимизнинг Москва ва Остона шаҳарларидаги элчихоналари, Қозон ва Ақтау шаҳарларидаги бош консулхоналари томонидан «Маштаково» назорат-ўтказиш пункти яқинида бўлиб турган ватандошларимиз рўйхати тузилди ҳамда ташкилий ва транспорт масалалари ҳал қилинди.Ватанимизга мазкур рўйхатга киритилган жами 1100 нафар ҳамюртимиз олиб келинади.18 ва 19 май кунлари 550 нафардан ватандошимизнинг автобусларда Ўзбекистонга қараб йўлга чиқиши режалаштирилган. Улар етиб келишлари билан 14 кунлик карантинга жойлаштирилади», – дейилади ТИВ оператив штаби ахборотида.Қайд этилишича, Ўзбекистон фуқароларининг Россия-Қозоғистон чегараси орқали олиб келиниши истисно тариқасида ва дипломатик ваколатхоналар томонидан аввалдан шакллантирилган рўйхат асосида амалга оширилмоқда.Қўшимча рўйхат тузиш кўзда тутилмаган. «Шу муносабат билан Россия ҳудудида бўлиб турган фуқароларимиздан «Маштаково» назорат-ўтказиш пункти ёки бошқа Россия-Қозоғистон давлатлараро чегарасини кесиб ўтиш пунктларига боришга уринмасликларини, ҳозирда бўлиб турган жойларида қолишларини ва барча карантин чораларига қатъий риоя қилишларини сўраймиз», – дейилади штаб хабарида.Қўшимча қилинишича, Ўзбекистон фуқароларини Қозоғистон ҳудуди орқали Ўзбекистонга олиб келишнинг қайта бошланиши тўғрисида қўшимча маълумот берилади.Эслатиб ўтамиз, Қозоғистон чегарасида тўпланганларга Ўзбекистонга ўтиш учун истисно тариқасида бир марта рухсат берилиши ҳақида аввалроқ Ўзбекистоннинг Татаристондаги бош консули Фариддин Насриев Kun.uz мухбири билан суҳбатда маълум қилган эди. «Бундай натижага эришиш биз учун осон бўлмади. Фуқароларимизни Ўзбекистонга олиб ўтиш учун ҳукуматимиз Қозоғистон, Россия билан музокаралар олиб борди. Бу – эртага яна кимдир келса, ўтказиб юборамиз, дегани эмас.18 май куни Ўзбекистонда жами 38та янги зарарланиш ҳолати қайд этилди ва 67 нафар бемор тузалди. Шу вақтгача 2314 бемор соғайган, айни вақтда шифохоналарда 464 бемор даволанмоқда. Республика бўйича даволаниш кўрсаткичи 82 фоизга етган. ССВ маълумотига кўра, бугун коронавирус қайд этилганларнинг 9 нафари халқаро юк ташувчи автомашина ҳайдовчилари ҳисобланади, чартер рейс орқали БААдан олиб келинган 2 кишига ва Тожикистондан келган 1 кишига вирусдан зарарланиш ташхиси қўйилган. Шунингдек, олдиндан карантинда бўлган 26 кишида вирус аниқланган.Бугун энг кўп янги ҳолатлар Тошкент шаҳрида қайд этилган - 18 кишига коронавирусдан зарарланиш ташхиси қўйилган. Айни вақтда Тошкентда қайд этилган жами ҳолатлар сони 1049тага етган (Тошкент вилояти ва Сирдарё вилояти ҳам қўшиб ҳисобланганда), шу вақтгача 772 бемор тузалган, 6 киши вафот этган, шифохоналарда 271 бемор даволанмоқда.Самарқандда яна 14 кишида вирус аниқланди ва жами ҳолатлар сони 275тага етди. Шу вақтгача 175 бемор тузалган, 1 киши вафот этган, 99 бемор даволанишни давом эттирмоқда.Навоийда бугун беморлар сони 6 нафарга ўсди, барча ҳолатларда олдиндан карантинда бўлган фуқаролар орасида вирус аниқланган. Бугун Тошкентдаги Эпидемиология, микробиология ва юқумли касалликлар илмий-текшириш институти клиникасида 39 нафар бемор бутунлай соғайиб, реабилитацияга кузатилди. Шунингдек, Самарқандда 21, Наманганда 7 нафар беморга жавоб берилди.Қашқадарё вилояти Нишон туманида аҳолига ун тарқатиш жараёнида карантин қоидалари бузилаётгани ҳақида хабар қилинди.Соғлиқни сақлаш вазирлиги яна 12 кишига коронавирусдан зарарланиш ташхиси қўйилгани тўғрисида хабар берди.«2020 йил 18 май соат 23:00 ҳолатига кўра, Ўзбекистонда коронавирус инфекцияси қайд этилганлар сони 2791 нафарни ташкил қилмоқда», дейилади вазирлик хабарида.Қайд этилган янги касалланиш ҳолатларининг 8 нафари халқаро юк ташувчи автомашина ҳайдовчилари, 1 нафари Тожикистондан келиб, карантинга олинган, 3 нафари олдиндан карантинда бўлган фуқаролар орасидан аниқланган.Бугун жами 38та янги зарарланиш ҳолати қайд этилди, 67 нафар бемор тузалиб, реабилитацияга кузатилди.Айни вақтда шифохоналарда яна 464 бемор даволанишни давом эттирмоқда.Сув хўжалиги вазири ўринбосари Воҳиджон Аҳмаджонов Сардоба сув омбори қурилиши ва танланган конструкция ҳақида маълумот берди. Унинг билдиришича, сув омборини қуриш ишлари мураккаб жараённи ўз ичига қамраб олади.Совет маъмурияти томонидан 1944 йил 18 майда ўз ватанидан сургун қилинган қримтатарларнıнг ярасидан ҳамон қон оқмоқда.Фото: BBC TürkçeСовет иттифоқи раҳбари Иосиф Сталиннинг қарори билан Қрим татарларининг бундан нақ 76 йил олдин, айни шу куни ярим кечаси тўплаб, вагонларда Марказий Осиёга сургун қилинишидан сўнг пайдо бўлган оғриқлар ҳамон юракларда ҳис этилмоқда.Тарих тарих бўлибдики, Қора денгиздан ўз стратегик манфаатлари йўлида фойдаланмоқчи бўлган русларнинг Қрим ярим оролидаги ҳисоб-китоблари тугамаган. Шу боис ҳам Екатерина II даврида Қрим татарларига қарши бошланган зулм ва геноцид сиёсати кейинги даврларда ҳам фожиали тарзда такрорланди.Усмонли турклар ва Чор Россияси ўртасидаги урушдан кейин 1774 йилда имзоланган Кичик Қайнаржа шартномаси билан Усмонлилар империясидан ажралган Қрим хонлигини 1783 йилда Россия ишғол этиши билан Қрим татарлари учун оғир ва машаққатли кунлар бошланади.Россиянинг босим ўтказувчи сиёсати туфайли ўн минглаб қримтатарлар Усмонлилар давлатининг турли минтақаларига кўчиб ўтишга мажбур бўлишди.Иккинчи жаҳон уруши даврида советлар Россияси Қримни немисларга қолдиришга мажбур бўлади. Қрим татарлари советлар сафида фашистлар Германиясига қарши мардонавор курашди. Шунга қарамай, рус қўмондонлари Қрим татарларини «немислар билан ҳамкорлик қилиш»да айблади.Қизил армия Қримни Гитлер Германиясидан қайтариб олгач, руслар Қрим татарларига яна зулм ўтказа бошлайди. Совет маъмурияти томонидан Қрим татарларига қарши ҳисоботлар тайёрланди ва уларни ўз юртларидан тамоман ҳайдаб чиқариш талаб қилинади.Совет иттифоқи раҳбари Иосиф Сталин махфий фармонга имзо чекади ва Қрим татарларини Марказий Осиёга сургун қилишга қарор беради. Сургун 20 май куни бошланиши ва 1 июль куни якунланиши керак эди. Бироқ операция 2 кун олдин олиб борилиб, 1944 йил 18 май куни соат 03:00 атрофида Қрим татарларнинг сургун қилиниши бошланиб кетади. Сургунни тезда тугатиш мақсадида операцияни 1 июнга қадар бажариш буюрилади.Батафсил сайтимиз орқали танишишингиз мумкин.Президент фармони билан коронавирус пандемияси даврида аҳоли ва бизнесни қўллаб қувватлаш учун навбатдаги чоралар тасдиқланди.Президент «Коронавирус пандемияси даврида аҳоли ва тадбиркорлик субъектларини қўллаб-қувватлаш бўйича навбатдаги чора-тадбирлар тўғрисида»ги Фармонни имзолади.Унга кўра, 2020 йил 1 июндан 1 сентябргача қуйидагилар мол-мулк ва ер солиғи тўлашдан озод этилади:кичик тадбиркорлик субъектлари; бозорлар ва савдо мажмуалари; кинотеатрлар;умумий овқатланиш жойлари; жамоат транспортлари ташкилотлари; спорт-соғломлаштириш муассасалари; шунингдек, йўловчиларни ташиш, маиший хизмат кўрсатиш, ёпиқ жойларни ижарага бериш, шу жумладан банкетлар ташкил этиш билан шуғулланадиган юридик шахслар.Шунингдек, кичик тадбиркорлик субъектларига 2020 йил 9 мартдаги ПФ-5969-сон ва 2020 йил 3 апрелдаги ПФ-5978-сонли Фармонларга мувофиқ, апрель-май ойлари учун тақдим этилган, мол-мулк ва ер солиғининг фоизсиз кечиктириш (бўлиб-бўлиб тўлаш) суммаларидан; 2020 йил 1 январдан бошлаб 2020 йил 15 майгача бўлган муддатда ер ва мол-мулк солиғи бўйича ҳисобланган пеня ва жарималардан воз кечиладди.Тадбиркорлар учун товарларни (ишларни, хизматларни) олиб киришда (импорт) қўшилган қиймат солиғини тўлашни 120 кунгача кечиктириш ҳуқуқи берилади. 2020 йил 1 майдан 1 июлгача микрофирмалар ва кичик корхоналар учун ижтимоий солиқ ставкаси 12 фоиздан 1 фоизгача пасайтирилади. Устав фондида (устав капиталида) давлат улуши 50 фоиз ва ундан ортиқ бўлган давлат корхоналари ва юридик шахслар бундан мустасно.Микрофирма ва кичик корхоналарнинг айланма маблағлари камайишининг олдини олиш мақсадида:2020 йил 15 май ҳолатига солиқ қарзлари ва солиқ тўғрисидаги қонун ҳужжатларини бузганлик учун пеня ва ҳисобланган жарималар бўйича қарздорликларини ундириш 2020 йил 1 сентябргача тўхтатилади.Давлат солиқ хизмати органлари 2020 йил 15 май ҳолатига уларнинг банк ҳисобварақларидан пул маблағларини ўтказиш ва ечиб олиш бўйича инкассо топшириқномаларини қайтариб олади.Солиқ тўловчилар 15 май ҳолатига бажарилмаган солиқ мажбуриятларини бажариш бўйича тўлов топшириқномаларини қайтариб олиш ҳуқуқига эга.Халқаро валюта жамғармаси директорлар кенгаши жорий йилнинг 18 май куни Коронавирус пандемиясининг Ўзбекистон Республикаси иқтисодиётига салбий таъсирини юмшатиш учун Ўзбекистон Республикасига 375 миллион АҚШ доллари эквивалентидаги имтиёзли қарз маблағлари ажратилишини тасдиқлади. Мазкур маблағлар Молия вазирлиги ҳузуридаги Инқирозга қарши курашиш жамғармасини тўлдиришга йўналтирилади.Бу ҳақда Бош вазир ўринбосари - Иқтисодий тараққиёт ва камбағалликни қисқартириш вазири Жамшид Қўчқоровнинг Twitter аккаунтида хабар қилган. «ХВЖ томонидан имтиёзли қарз маблағларини ажратишда анъанавий равишда мамлакатдаги макроиқтисодий вазият ва давлат қарзи билан боғлиқ хатарлар таҳлил қилинди», – деб ёзган вазир. ХВЖ томонидан эълон қилинган ҳисоботда коронавирус пандемиясининг республика иқтисодиётига салбий таъсири натижасида ЯИМнинг ўсиш суръатлари 1,5 фоизгача пасайиши прогноз қилинган. Шу билан бирга Ўзбекистон Республикасининг давлат қарзига хизмат кўрсатиш салоҳияти юқори даражада сақлаб қолинаётгани таъкидлаб ўтилган.Қайд этилишича, Ўзбекистон Республикаси президентининг глобал инқироз ва Коронавирус пандемиясининг миллий иқтисодиётга таъсирини камайтириш бўйича олиб бораётган сиёсатлари халқаро молия институтларидан имтиёзли ташқи қарз жалб қилишда қулай имкониятлар бермоқда.Ўзбекистон Республикаси Ташқи ишлар вазирлиги хорижий давлатлар баъзи расмий шахсларининг мамлакатда қонунчилик талабларига мувофиқ, жамоатчилик муҳокамасига киритилган давлат тили масаласи бўйича меъёрий-ҳуқуқий ҳужжат юзасидан билдирган фикрларига муносабат билдирди. «Давлат тилини тартибга солувчи соҳага боғлиқ масалалар давлатнинг мутлақ ички сиёсатига дахлдор бўлиб, ҳар қандай аралашув асло мақбул эмас.Мамлакатимиз ҳудудида яшовчи барча миллат ва элатлар тилига ҳурмат билан муносабатда бўлиш республика қонунчилигида ўз ифодасини топган.Ўзбекистон Республикаси Конституциясининг 4-моддасига мувофиқ Ўзбекистон Республикаси ўз ҳудудида истиқомат қилувчи барча миллат ва элатларнинг тиллари, урф-одатлари ва анъаналари ҳурмат қилинишини таъминлайди, уларнинг ривожланиши учун шароит яратади.Бундан ташқари, 1995 йилда қабул қилинган «Давлат тили тўғрисида»ги Ўзбекистон Республикаси Қонунининг 9-моддасига биноан давлат ҳокимияти ва бошқарув органларида иш давлат тилида юритилади.Шунингдек, қонун ўз она тилини ўрганиш ва ундан фойдаланиш, хусусан таълим олиш, давлат ташкилотларига мурожаат қилиш, ҳуқуқий ва бошқа маълумотлардан фойдаланиш ҳамда ишбилармонлик муомаласида ҳеч қандай тўсиқларсиз қўллаш имкониятини кафолатлайди.Кўплаб мактаб ва олий таълим муассасалари, жумладан хорижий университетлар филиаллари, маданият марказларида ўқитиш, даврий нашрларни чоп этиш, теле- ва радиодастурлар турли тилларда олиб борилаётгани буни яққол тасдиқлайди.Шу муносабат билан Ўзбекистонда истиқомат қилувчи бошқа миллатлар ҳолати тўғрисида ташвишларга ҳеч қандай асос йўқ. Гап юқорида зикр қилинган 1995 йилда қабул қилинган қонун ижроси ҳақида кетмоқда.Ташқи ишлар вазирлиги мамлакатимизда давлат тили ҳақидаги қонун талабларига риоя этиш билан боғлиқ масалаларни муҳокама қилиш жараёнида холис бўлишга, олдиндан асоссиз хулоса чиқармасликка ва ҳурмат сақланишига умид қилади», дейилади ТИВ баёнотида.Батафсил сайтимиз орқали танишишингиз мумкин.1 май тонгида «Сардоба» сув омборидаги офатдан сўнг рўй берган тошқин оқибатида Сардоба туманида ёлғиз яшовчи аёл ўз уйида бир сутка озиқ-овқатсиз ва сувсиз қолиб кетган. Онахон 2 май куни туш вақтида Миллий гвардия ҳарбий хизматчилари томонидан қутқарилган.Kun.uz Миллий гвардия матбуот хизматидан олган маълумотга кўра, катта сув тошқини келиб қолгани сабабли қаттиқ қўрқувга тушган аёл уйдан чиқолмай қолиб, уйнинг иккинчи қаватига чиқиб олган. «2 май куни соат тахминан 13:00лар атрофида Миллий гвардия ҳарбий хизматчилари оддий аскар Б.Қўчқоров ва оддий аскар С.Солиевлар қидирув ва қутқарув ишларини олиб бориш жараёнида узоқдан аёл кишининг йиғи овози эшитилган.Ҳарбий хизматчилар бу жойга етиб боришганида аёл кишининг овози хонадоннинг иккинчи қаватидан келаётгани маълум бўлган. Ҳарбий хизматчилар юқорига ойна орқали чиқиб, сув тошқини сабабли қолиб кетган онахонни тинчлантириб, уй ичидан хавфсиз жойга олиб чиқишган», – дейилади Миллий гвардия матбуот хизмати хабарида.Маълум қилинишича, 61 ёшли нафақахўр аёл (бева) ушбу хонадонда ёлғиз яшаб келган, икки ўғли у билан бирга яшамайди.Ҳозирда аёлнинг соғлиғига ҳеч қандай хавф йўқ.Маълум қилинишича, тошқиндан сўнг Миллий гвардияга бириктирилган ҳудудлардаги ҳар бир хонадон кўздан кечириб чиқилган ва юқорида айтиб ўтилган аёлдан ташқари яна 76 нафар фуқаронинг ҳаёти сақлаб қолинган.Эслатиб ўтамиз, «Сардоба» фожиаси оқибатида 6 киши – икки аёл, тўрт эркак ҳалок бўлди. Вафот этганлардан бири Миллий гвардия сержанти эди. Шунингдек, бедарак йўқолган яна бир ходимни қидириш ишлари давом этмоқда.
FIRST PAGENEXT PAGE

NIGERIA

Top Instagram followed

#24@kun.uz
https://scontent-cdt1-1.cdninstagram.com/v/t51.2885-19/s150x150/75256769_427668908127823_1461879680691863552_n.jpg?_nc_ht=scontent-cdt1-1.cdninstagram.com&_nc_ohc=u7Aer6EXgKYAX9Qh5ss&oh=d5beea7b20b9a3e6fead4a78f4e6fb9e&oe=5EEDD42E kun.uzfollowed by: 2569453
#25@nicoleborda
https://scontent-lht6-1.cdninstagram.com/v/t51.2885-19/s150x150/93266269_693842374753776_4411225201639948288_n.jpg?_nc_ht=scontent-lht6-1.cdninstagram.com&_nc_ohc=W6oMgP4MZOsAX-SiIG-&oh=de71dda752d3a7ac70c38af81e258dae&oe=5EFDCF4E nicolebordafollowed by: 2558019
#26@yeojin9oo
https://scontent-frt3-2.cdninstagram.com/vp/b0727dc01a4bb8a122ea86470a894fed/5E00424F/t51.2885-19/s150x150/50107737_652546718496017_4467400135466287104_n.jpg?_nc_ht=scontent-frt3-2.cdninstagram.com yeojin9oofollowed by: 2321827
#27@amr_maskoun
https://scontent-frt3-2.cdninstagram.com/vp/05f055cd4d705adab4a8e454198e4b4c/5DF66367/t51.2885-19/s150x150/68962698_394735027870927_1022878828415942656_n.jpg?_nc_ht=scontent-frt3-2.cdninstagram.com amr_maskounfollowed by: 2299928

See more instagram profiles from

NIGERIA

MORE